Main PageTroubadours' ListingMore Works by Bertran d'Alamano

The prosody guide is available as a book. Click here for details.

Seigner coms, eu-s prec que-m diiatz
Del palenc qe-us en conortatz,
Si-l penres per forsa o no!
Q'e-us i conosc honor e pro,
Ab sol qe primier uos metatz!
Car pel trauc on serez passatz
Intraran leu li compaigno.

Bertram, be cre qe conoscatz
Q eu soi ab armas tan senatz
Qe be saubrai triar mon pro!
A tal qe-m siaz a talo
Eu envasirai totz armatz,
Qan ueirai Cremones intratz,
Si-l porteniers no dis de no.