| |
|||
| prosody | miscellaneous |
Amar dei, Que ben es mezura, Lanquan vei Lo tems en verdura, E l'aur'es dousana, E refrinh lo chan:s pels plais Que l'auzels demena, E.ill nueitz aserena, E floris la mora. Dunc dompnei Color en peintura, Mas be vei En plan ma rancura. Cui sa don'enguana, Tan no.s pagua ni s'irais Que, ja l'en sovenha D'est'amor terrena, Soven chant'e plora. Ges no.l vei : Que sa forfaitura No.ill plaidei Tot per nueit escura Ab leis ses luguana! Mas, si.m vailla Dieus la bais, Gardan de mal plena Que.l plait destremena E d'als no labora. L'aer correi Quais om folatura. Leis non grei, Si.l veils quers pejura . . . . . . . . . . . . . . Lassa, que.s fara jamais Tan greu cuj revenha: Tant ha blava vena, Cant veillums langora Leis mercei D'eisa sa tortura. Senhorei, Si vas mi.s meillura. Non es tant trefana. Pero ges ieu no.m n'esmai Del ben que.m n'avenha. Gen baizan m'estrena, De que m'asenhora. Lonc eslei Fis d'amor segura. Cui m'autrei, Tant es fin'e pura, Graile, grass'e plana, Que de dins lo cor me trais Gran ir'e gran pena Ab joi que.i amena, Que jamais no.i fora. Non a rei El mon, tan com dura, Meils estei. Ric'es de mezura E d'onor mondana, Ab sol una vetz que.m bais E no, ses contena, Mai s'amor retenha, No sei quant ho cora. |