Main PageTroubadours' ListingMore Works by Bernart Marti

The prosody guide is available as a book. Click here for details.

Qant la pluei'e.l vens e.l tempiers
E.l freigz e l'iverns es remas,
M'es bella la flors els vergiers,
E.l soleils lutz e.il herba nais
Per la rosada qe s'espan,
Don s'esbaudeion li auzel
Lo matin egal del alborn.

Anc mos cors ni mos cossiriers
D'amor non fo vencutz ni las,
Que d'als non es mos cors entiers,
Ni autre tresaur non amas,
Ni autra ricor non deman:
Que qui.s haia tor ni castel,
Eu.m ai mon bel palais el forn.

Tan voil, domna, q'uns jorns primiers
Esplei que nostr'amors non cas
Per gelos ni per lauzengiers,
Cui mal focs las lengas abras
Tals met bon aize en soan
D'amor conquiza de novel,
Q'aicil li fin abanz qe.l jorn.

Molt estaria volontiers
Lonc lo seu cors dolgat e gras,
Don duraria l'anz entiers,
Si m'en tornav'eneuslopas!
Ni si non manjava de l'an
De nulla vianda morsel,
Non duraria l'anz un jorn.

De tot aur aver sui leugiers
. . . . . . . . . . . . . . . . . . . . . . . . .
. . . . . . . . . . . . . . . . . . . . . . . . .
. . . . . . . . . . . . . . . . . . . . . . . . .
Ges per zo non ai en talan,
Si tot mon coratge masel,
Dels mals no.m puesc partir un dorn.

Bella, si remembre.us :...

. . . . . . . . . . . . . . . . . . . . . .
. . . . . . . . . . . . . . . . . . . . . .
. . . . . . . . . . . . . . . . . . . . . .
. . . . . . . . . . . . . . . . . . . . . .
. . . . . . . . . . . . . . . . . . . . . .
. . . . . . . . . . . . . . . . . . . . . .
Tals se fa coindes e parliers
E.m cuj'aver de s'amor ras,
Cui eu mourai tals destorbiers
Qu'eu lo farai entrar el vas,
Et eu remanrai antrenan
En l'amor don no.m deschabdel,
E lais lo fol irat e morn.

Era mi vai, franc:s messatgiers,
. . . . . . . . . . . . . . . . . . . . . .
Qu'ieu no.il serai ja mensongiers,
Qant piegz seria qe Judas!
Qe en dormen e en veillan,
Qant si desvest dal seu mantel :,
M'es vis qe mos cors s'i sejorn.