Main PageTroubadours' ListingMore Works by Bertran Carbonel

The prosody guide is available as a book. Click here for details.

Si alcun vol la som'aver
De la sciensa d'aquest mon,
Trop e pauc, li fas a saber,
Trobi que duy contrari son.
Si co hom per trop si cofon,
Si cofon per pauc eyssamen:
Per c'om deu el miey, dreitamen,
Metre son sen ab tempramen,
Et qu'en son cor peze sos ditz els fatz
Al miels que pot: estiers es fols e fatz.