Main PageTroubadours' ListingMore Works by Bertran Carbonel

The prosody guide is available as a book. Click here for details.

D'omes trobi que son de vil natura
Que son parlier, fol et otracujat
E non gardon senhat ni dessenhat
Ni segon drech ni razon ni mezura!
Dic o per so c'om los deu comportar,
Qued autramen nuls non s'en pot onrar,
Que-l fols, on plus vos blasmara,
Adoncas pus vos lauzara,
E si tenes sos fols ditz a pezansa
Us autres fols en pren per cent venjansa!
Per que-l savis non deu am fol contendre,
Car si onran, s'en pot aysi defendre.