Main PageTroubadours' ListingMore Works by Bertran Carbonel

The prosody guide is available as a book. Click here for details.

Huey non es homs tant pros ni tant prezatz
Ni tan cortes ni ab tan de bo sen
Que no falha o en ditz o en fatz
E non yesca del dreg cami soen.
C'atressi truep c'om vay per pauc falhen
Co fai per trop! per que, a ma semblansa,
Deu perdonar senhers que am engansa
Seguon razo al forfach peneden
Et absolver lo sieu condempnamen.