Main PageTroubadours' ListingMore Works by Bertran Carbonel

The prosody guide is available as a book. Click here for details.

En aiso truep qu'es bona pauretatz
Car mostr' a sert qui ama coralmens!
C'aitant cant yeu puec servir fuy amatz,
E car non puesc, cascus mi vay fugen!
Per que-m par fols, segon mon essien,
Qui ses aver quier amicx ni'cundansa!
Aja lo pres que Rotlan pres en Fransa,
Cortezia, beutat, saber e sen,
Pus l'avers falh, non es prezatz nien.