Main PageTroubadours' ListingMore Works by Bertran Carbonel

The prosody guide is available as a book. Click here for details.

S'ieu ben plagues als pecx desconoisens,
Donc for' ieu pecx et desplagr' als melhors,
E plagra mi blasmes e desonors
E-m desplagra homs pros e conoisens,
Car totz temps plai als crois desconoisensa
E als valens valors e conoisensa,
E qi pogues plazer ad anbedos
Doncs plagra i tan uns avols com uns bos.