| |
|||
| prosody | miscellaneous |
A! Lemozin, francha terra cortesa, Molt me sap bo qar tals honors vos creis, Qe jois e pretz e deportz e gaiesa, Cortesia e solatz e dompneis S'en ven a nos; e·l cor estei anceis! Be·s deu gardar qi a druz se depeis Per qals obras deu esser dompna qesa: Dos e servirs e garnirs e largesa Noiris amors com fai l'aiga los peis, Enseingnamenz e valors e proesa Armas e cortz, e guerras e torneis. E qui pros es ni de proesa·s feis, Mal estara s'aoras non pareis, Pos Na Guiscarda nos es sai tramesa. |