Main PageTroubadours' ListingMore Works by Peire Bremon Ricas Novas

The prosody guide is available as a book. Click here for details.

Ja lausengier, si tot si fan gignos,
Uns non sabra qals es per q'eu suspir!
Tan gen mi sai vas lor engeing cobrir,
Q'az autra part faz lo bruit e.ls ressos,
Ez eu am vos, e.m vauc aillors feignen!
Aissi lor sai lognar mon pensamen,
Q'eu plan del colp don anc non fui feritz:
Assi los hai longamenz escarnitz.