Main PageTroubadours' ListingMore Works by Peire Bremon Ricas Novas

The prosody guide is available as a book. Click here for details.

Be.m meraveil d'En Sordel e de vos,
Seigner Bertran, car anc sosfritz mon dan
Qe.l coms mi fes, anc no fezetz semblan,
S'eu pris onta ni dan, qe mal vos fos!
E degraz l'engardar de fallimen,
E mi de dan, qe.us servi lialmen!
De mi n'avetz e del conte mal grat,
Car non . . . . . . . . . . . . . .

Ja mais le cons no.s deu fizar en vos,
A vos o dic, En Sordel e'N Bertran,
Ni ieu, qe.s ai servit ses tot enjan,
Car anc del mieu dan no fotz rancuros!
E qi seignor vol servir lialmen
Deu lo, can fail, blasmar adreizamen:
Mas ben pot far le con sens o foudat,
Qe tot li er per vos autres lausat.

Per mon seignor Baral, c'a prez valen,
Tenc mi megeus e mon cor e mon sen,
Q'el m'a estort e az el en sai grat,
E . . . ais pren de vos dos comjat.