| |
|||
| prosody | miscellaneous |
Gen m'aten Ses falhimen En un chan valen! C'aiuda M'es creguda De lai On cilh estai Qu'eu am mais que re Neis me Non am tan, Per qu'eu vauc pensan Com so que.lh plagues Li disses Chantan! Qu'esters no l'aus dir Cossi.m fai languir Jauzen Que mal no sen Mas del pensamen Que.m destrenh. Pero si.l chaptenh Que.m promes no.m fai, De ben e de jai M'esdui e m'empenh. Qu'en rizen Me fetz parven Al comensamen De druda Chartenguda Qu'esmai Ni dol no n'ai Pel joi que m'en ve. C'ancse Cut qu'enan S'ira melhuran L'esperans'e.l bes, E pos ses Engan L'ai cor a servir, Si.m denh'acolhir Ni.m pren A chauzimen, Dazai qui no.m pen, S'eu ja.m fenh C'a so sen no renh Segon que sabrai, Pos conoisserai Que no.i a malgenh Den, no men, Me vauc meten Per sobrardimen En bruda Mentaguda! Que.m trai Vas tal assai C'a la mia fe Be cre C'a mo dan Me vauc esforsan, Tan sui fola res E com es Qu'eu chan E.m sapcha cobrir Qui m'o deu grazir Soven Falh e mespren E pois no m'acen Ni no.m tenh A dan, si.m destrenh Amors ni.m dechai! C'una vetz n'aurai Mo bon esdevenh Len me ren, Que que.m prezen, Mas leugeramen Se muda! C'a saubuda M'estrai So que.m fetz gai E m'en deschapte. Merce No.lh deman, Mas vauc m'alegran C'om no conogues Ni saubes L'afan E cut m'en partir. Pois en leis chauzir Enten Gran jauzimen Que n'aurai breumen E revenh Pel bon entresenh Que.m men'e m'atrai - Los bous Bertalai C'a plus no.i atenh. Men-taven Vauc drech venen Pro vetz: si be.s pen Qu'en cuda Recrezuda S'eschai Qu'es en afrai C'om cobr'e reve! Per que Vauc tarzan La guerr'e.l deman E sui tan cortes Que merces Claman Cut esdevenir En so que dezir Parcen Forsadamen C'a ver recrezen M'en depenh. Pero, si ja.m senh, Tan o sofrirai Que tot proarai, S'i pert o retenh. Si.m destrenh Lo cor que l'engenh C'avia perdrai, S'ans que veia mai Al plus no n'atenh. Plus a drech greu mai Cut que passarai, S'ans de vos no.m venh |