| |
|||
| prosody | miscellaneous |
Ans que venha.l nous fruchs tendres Ni.l sobrefais brondels baisse, Plei mo coratg' e l'amas Vas un' amor e l'assenh. Si tot lo m'avi' espars Per mantas contradas lonh, Volh qu'era .s vir e s'arenh D'altr'obr'e d'altre chaptenh. Et enaissi frescs es tendres Que per malpas ni per raisse, Si be.m va len ni de pas, No.m lais a virar l'engenh Si que.l plus de mos afars Poscha tornar a nosonh Que lai vir la fors' e.l genh O.ls olhs e.l coratge tenh. E si m'est amics, no.n tendres Ni.t pes, qui que t'en so d'aisse, So qu'era ves ni veiras: C'Amors me coch' e.m destrenh. E si.m n'er' estranhs ni pars, Era, pos sai vir e ponh, Convenra c'al seu senh renh E.ls altres torn en desdenh. - Car de filhas a dos gendres, Pot om greu far no s'abaisse Vas l'un que chascu ser as - Si grans forsa no m'empenh C'alhors me fass' amics chars. - E s'aissi fin'es, essonh Mostres volers - no .i retenh, Mas que.l me vend'o m'empenh. E si.l malvatz crup-en-cendres S'enardis qu'en lais s'eslaisse, Vils sia tengutz o bas! C'aissi desfil'e destenh Dezafrenatz domneiars Qui.l pretz no.i garda ni.l sonh. E s'eu a mos precs avenh, No.m vendra be qui be.m penh Per trussar ni per divendres No.m destric que non engraisse, Si.l seus cors delgatz e gras M'es de pres, c'aissi revenh, Si be.m n'ave greus parlars! Car ges monge de Cadonh No.s fion en entresenh, C'a ver nesci m'en depenh. E cui parra greus l'aprendres De mo chantar, no s'en laisse, Si no.l sui del dir eschas, C'ab fi coratge l'ensenh, Si tot Mo-Senhor no m'ars, Si cuda que fass'ab onh! C'aissi l'escur com ebenh: Mo trobar ab saber prenh Can l'altre s'en van, eu venh, Si Deus la.m salf e la.m senh |