Main PageTroubadours' ListingMore Works by Peire de Vic

The prosody guide is available as a book. Click here for details.

Quan tuit aquist clam foron fat,
Lor son començat autre plat
On n'ac d'iratz;
Las domnas e·ill vout son mesclat
E·l plaz rengatz.

Dizo·ill -vont: "Domnas, tuit em mort,
Car nos tollez lo peing a tort,
Et es pecchatz
Car vos en peignetz aitant fort
Ni·us bernicatz.

Qu'anc trobatz no fo mas per nos,
Qu'om nos en peinsses bels e bos,
E vos semblatz
Magestat de pont, de faichos,
Can robegatz."

Dizon las domnas, que cent anz
Lor fo donatz lo peinz enanz
Que fos trobatz
Voutz degus el mon paucs ni grans,
Et es vertatz.

Diz autra domna: "Re no·us tuoill,
S'eu peing la rua desotz l'uoill
Qu'es esfachatz;
De qu'eu fatz pois a manz orguoill
Qu'eu trobi fatz."

Dis Dieus als vouz: "Si vos sap bo,
Sobre vint e einc anz lor do
— So otrejatz —
Que n'ajan vint de pemgneso,
Si·us n'acordatz.

Dizo·ili vout: "Ja re no farem
Que mais de detz no lor darem,
Pos a vos platz.
E, sapchatz, segur que serem
Qu'ajam pois patz."

— Dunc venc sainz Peir'e sainz Laurenz
Et an fatz bos acordamenz,
Et afiarz;
Et d'ambas parz per sacramenz
An los juratz.

Et an dels vint anz cinc mogutz
Et an los ab los dez cregutz
Et ajostatz:
Aissi es lor platz remasutz
Et afinatz.

Sobre sacramen vei obrar
De tais que s'en clegran laissar,
E non es gen
C'a la chascuna vei falsar
Lo covenen.

Per so son li'vout irascut
Car hom lor a plait ronput,
E non an grat
Que·ill quecha fai pisar son glut
Am ueu pastat.

De blanquet e de vermeillon
Se meton tant sobre·l menton
Et en la fatz,
Qu'anc no vist trian carton
Deves tot latz.

De çafra e de tifeigno,
D angelot, de borrais an pro
E d'argentat,
De que se peingnon a bando
Quan l'an mesclat.

En lait de sauma an temprat
Favas, ab que s'an adobat
Lo viel cortves,
E·ill quecha jura charitat
Que res non es.

Quant ellas an lor onguimentz
Totz ajustatz per sagramentz,
Vos veiriatz
De boissas e de sacs tresentz
Ensems liatz,

Anc sainz Peire ni sainz Laurenz
No son creüz dels covinenz
Que feiron far
A veillas qu'an plus longas denz
D'un porc cenglar.

Peitz an faitz, non avez auzi:
Tant nos an lo safran charzi
Que oltra mar
O conteron li pelegri;
Ben dei clam far.

Que meils vengra qu'om lo manges
En sabriers, qu'en aissi·l perdes,
E compressan
Cendals, don quecha se bendes,
Pos talen n'an.