prosody | miscellaneous |
Be m'enueja, per Saynt Marsal, Aquist baro descominal Que, non denhen vendre caval, Empenhon lo aitan quan val, E que meton en lor ostal Sel qu'an azirat per gran mal. Be m'enueja de cavallier Que quer très vetz cauls e sabrier, E de dompneyador petier, E de vielh hom' avol arquier, E d'hom' escas sobre taulier. Enueja·m, pels Sayns de Colonha, Amicx que·m falh a gran bezonha, E tracher que non a vergonha, E qui-s colgu' ab mi ab gran ronha. ............................ Messatgiers, vai t'en, [te] ta via Al comte, cuy Dieus benezia, Que te Toloza en baylia; S'y a ren qu'a lui desplayria Ieu suy selh que·l ne ostaria. |