| prosody | miscellaneous |
Be m'entieja, per saint Salvaire, D'orne rauc que-s fassa chantaire E d'avol clergue predicaire; Paubre renovier no pretz gaire, Et enueja·m rossis trotaire, E ricx hom que massa vol traire. Et enueja·m, de tot mon sen, Conoisens que sa puta pren, E dona que ama sirven, E scudiers qu'ab senhor conten; Enueja·m raubaire manen, E donzelo barbat ab gren. Molt m'enueja, si Dieus mi vailla, Quan me faill pas sobre toailla, E qui cada petit lo·m tailla, Ou ades m'es veia;re que·m failla, E joves hom pies de nuailla, E dos de puta e sa guazailla. Be m'enueja capa folrada Quan la pels es veill' e uzada, En capairo de nou orlada; E puta veilla safranada; E enueja·m rauba pelada, Pois la sains Miquels es passada. Et enueja·m tot eisamen Maizos d'ome trop famolen, E mels ses erbas en pimen, E qui·m promet e no m'aten; E d'avoi home eisamen M'enueja, quar el non apren. Et enueja·m, com de la mort, Qui d'avoleza fai conort, E enueja·m d'ardaillo tort, Et enueja·m estar a port Quan no puesc passar e plou fort. |