Main PageTroubadours' ListingMore Works by Peire de Vic

The prosody guide is available as a book. Click here for details.

Molt mi platz deportz e gaieza,
Condugz e donars e proeza,
E dona franca e corteza
E de respondre ben apreza;
E platz m'a rie home franqueza,
E vas son enemic maleza.

E platz me hom que gen me sona
E qui de bo talan me doua,
E ri ex hom quan no mi tensona,
E·m platz qui·m ditz be ni·m razona;
E dormir quan venta ni trona,
E gras salmos az ora nona.

E platz mi be lai en estiu
Que·m sojorn a font o a riu,
E·ill prat son vert e·l flors reviu
E li auzelhet chanton piu,
E m'amigua ve a celiu
E lo-y fauc una vetz de briu.

E platz mi be qui m'aculhia,
E quan gaire non truep fadia;
E platz mi solatz de m'amia,
Baizars e mais, si lo·i fazia;
E si m os enemicx perdia,
Mi platz, e plus s'ieu lo·i tolhia.

E plazon mi be companho
Cant entre mos enemicx so,
Et auze ben dir ma razo,
Et ill l'escouton a bando.