prosody | miscellaneous |
Aissi com cel qu'a estat ses seingnor En son alo, franchamen et en patz, Qu'anc re no det ni mes, mas per amor, Ni'n fo destretz mas per sas voluntatz, E pueisas es per mal seingnor forsatz: Atressi·m fui mieus mezeis longamen, Qu'anc re no fi per autrui mandamen, Ar ai seingnor ab cui no·m val merces: Amor, que a mon cor en tal loc mes On non aus dir ni mostrar mon talen Ni per nuill plaît partir no m'en puesc ges. Anc nuills guerriers no·m fes tan de paor, Que dels autres mi deffent eu assatz En fort castel o dinz mur o dinz tor, O vauc fugen desgarnitx o armatz; Mas ab aquest no·m val senz ni foudatz, Qu'inz el mon cor s'enintra e s'enpren, Si que nuls hom no l'ait ni-1 ve ni·l sen, Tro que be l'a a totz sos obs conques, E·il fai semblar lo jorn an e l'an mes; Qu'en tal dompna ai mes mon pensamen Don crei qu'enanz m'en veîgna danz que bes. A nuill maltraich no·m tengra la dolor Que ja·m vengues d'autra ni'n foz iratz, Mas de vos, domn', ai terriens' e paor, Car ai en vus compagnie solatz. E car vos sui, vostra merce, privatz, No·us sia mal, dompna, s'en vos m'enten, Qu'ieu non o fatz, dompna, per lo mieu sen, Mas per aquel d'amor, que m'a si pres Que quant eu cug quer'autra que·m plagues, Per qu'oblides lo vostr' entendemen, La plus bella mi sembla laida res. E vos, domna, per vostra gran valor Vos mezeusa d'aiso me conseillatz, Que be sabetz que nuls hom vas amor No pot gandir de re, pois fort li platz. Qu'ieu m'en soi tan defendutz e loignatz, Que denan vos no vauc ni ao·m presen Ni aus vezer vostre gen cors plazen; E prec amor que ja cor no·m mezes Qu'ieu vos pregues, dompna, car tem que·us pes; E s'aissi·us prec, dompna, forsadamen No m'en sia ja peitz, si mieills no·m n'es. De totz conseils vos daria·l meillor, Bella dompna, si vos m'en creziatz: Que s'ieu vos prec, no·m siatz de pejor Acuillimen, si mos prejars no·us platz, E enaissi sera lo ditz celatz; Car si de vos mi partetz malamen Et eu vos sai amie ni benvolen, En prejarai assatz leu dos o tres E pois sera cuiat so que non es, Car us fais digs entre la folla gen Val atretan com si vers proatz es. Bella domna, de vostra gran valor No sai tan dir que vos mais non aiatz La meiller etz e de major honor Que sia lai el pais on estatz, Dels majors bes, de las majors beutatz; E cil ab vos an mais d'acuidamen Que amon joi e solatz e joven. Mas eu non son ges dels nesis certes C'ab un esgart si fan drut demanes; Mas de mi a passat dos ans al men Que·us son privatz, qu'anc de re no·us enques. Mas de bon cor vos a m tan finamen Que non avetz ni cozi ni paren Qu'ieu non a m mais que me ni tôt quant es. Et sim penses qu'om nos n'aperceubes, Tostemps, domna vos anera seguen, Ses cor que ja re no vos en disses. Be m'agra vist l'Alvergnatz plus soven A Monbrisu, et tuich mei benvolen, Mais tengut m an Petaus et Engolmes, E ges a lor no senbla l'ans us mes, Et eu nescis, per que me toi lo sen Na Maria: non a par de totz bes. |