Main PageTroubadours' ListingMore Works by Peire de Vic

The prosody guide is available as a book. Click here for details.

Aissi cum selh qu'a plag mal e sobrier
Que non auza escoutar jutjamen,
Que per dreyt pert tot so que vai queren,
E metria tôt lo plag voluntier
En dos amicx, per far bon acordier:
Lo plait d'amor et ieu fauc atretal.
Qu'ab ma dona sai be que dregz no·m val;
Fer qu'ieu amor pregui et a merce
Del plait d'amor, qu'en aquestz dos mi cree
Que·m poirion far jauzen e joyos
De lei on dregz no·m poiria esser bos.

Mas pus de re no la prec ni l'enquier,
Que m' en val dregz, ni que vauc plus languen
Pus tort no·m fai, e m' honra finamen,
Et m'a solatz adreit e plazentier?
Que ges non ai tant malvat escudier
Qu'ilh no l'honre aitan — si Dieus mi sali —
Cum hom deu far son amie natural,
Et ja non er tant irada de re
Qu'il no ria de bon cor quan mi ve,
E platz li fort m os enans e mos pros,
E ve·us lo tort que·m fai totas sazos.

E conosc be que folh sen e leugier
Ai, s'ab aitan no m'en tenc per manen;
Per Dieu, si·m fauc, que quez ieu m'an dizen,
Que re no·m falh de tôt quan m'a mestîer,
Mas quar no laus mostrar mon cossirier
De tal guiza qu'a lieis no saubes mal,
E pueys agra tot gaug entier cabal.
Mas ges non ai tan d'ardimen in me
Que lo-y digua, pus no-s tanh ni-s cove,
E pueys dopte, si·l camge mas razos,
Qu'ilh me camge lo solatz e-1 respos.

Quar d'aisso an donas trop mal mestier,
— E plus selha qu'a rie pretz e valen:
Que si l'amatz per plan acordamen,
En dreit solatz e per plan* alegrier,
Amara vos ab fin cor et entier;
Et s'etz forsatz per fin amor coral,
Que forsa·ls ricx e·ls paupres per engual,
Que la preguetz de cor per bona fe
E l'ametz mais que no soletz ganre,
Aqui meteys se partira de vos
E·us voira mal e·us metra ochaizos.

E tenra vos per son mortal guerrier.
Et non ave mais de neguna gen:
Qu'el mon non a juzieu tan mescrezen
Ni sarrazi ni borzes renovier,
Que si l'amatz huey mais que no fetz hier,
Qu'elh mais no·us am cum que sia de l'ai
E no·us n'aya solatz plus cominal.
E ja dompna no·us o tenra a be,
E volra·us mal, e clira·us ben per que:
Quar anc auzetz esser tan ergulhos
Que l'amassetz mais d'autre que anc fus.