prosody | miscellaneous |
Mos sens e ma conoissenza M'an fait en tal loc chauzir Don mi valgra mais suffrensa, C'ara no·i pose avenir Ni ges no m'en sai partir; Donc be fatz gran faillimen S'eu sec so que no m'aten! Mas deus me lais segre tan Que·ill sia encar denan. E ja denan no·ill séria, Si la sua grans ricors Vas mi no·ill dessovenia; E que la'n forses amors, Qu'eu non ai autre socors! Pero fait n'ai la meitat, Et ill fera gran bontat S'en l'autra part tan fezes Don alcus bes mi vengues. E ja de leis bes no·m veingua Totz temps li serai aclis, Qu'amors mi mostra e m'enseigna C'ades en rie loc m'aizïs; E si del be no·m jauzis La honors m'en valra mais Que d'autre loc us ries jais; Donc s eu am a grant honor, Per que·m vivairai aillor? Aillors no vir mo coratge Ni o farai ja per re, Qu'anz li fatz lige omenatge E·ill refer grat e merce Per amor del palafre Don si·m lai-sset davallar. Donc no·i ac pro al mieu par ? No; qu'amors fai l'uzurier, Qu'ades, on m as s a, plus quier. Pero del querre·m laissera, S'amors tan no m'en forses, Si que del tot m'en lunhera S'aquesta amor oblides. Mas per so l'estau de près, Quar m' alegr' el sieu vexer, E preira l'en pel jazer Un dous esguart amoros, E pel baisar bel respos. Bel respos mi poyra faire La bella vas cuy soplei, Si·m disses, senes cor vaire: « Bels amics, a vos m'autrey. » Qu'el mon non a duc ni rey, Ou'ieu caniges per totz sos fieus Lo sieu ostal, s'era mieus, On guarda so cors novel Sobre totas beutatz bel. |