| prosody | miscellaneous |
Aissi com hom que seingnor occaisona Ses tort, domna, quan l'a en son poder, E·il quer merce, e non la'n vol aver Anz lo ten tan tro que del sieu li dona: M'ochalsonatz quar vos platz e·us sap bo, E m'aves mes, domn', en vostra priso, Mas ja de me non aures rezenso, Qu'enanz voill que près mi tengatz, Domna, que si·m deslivravatz, E non cug c'om anc mais vis près Qu'esser deslivratz non volgues. Mas saber voill, domna meiller de bona, E la genser c'om anc pogues vezer, Si m'aucires, que no·us pose mal voler; Qu'eu non o cre ni·m semblatz tan felona E vos gardatz vos en de failliso. C'atressi faill seingner vas so baro Co·l bars vas lui, si·l men'outra raso. E per so que vos non failliatz, Pois près m'avez, non m'ausiatz; Vailla·m ab vos ma bona fes E humiltatz e merces. Que s'ieu fos reîs, vos agratz d'aur corona, Que s'ieu fos reis, vos agratz d'aur corona, Tan vos mi fai abellir e terner Vostra beutatz, on ai mes mon esper, Si c'az autra mos cors no s'abandona; E membre vos, domna, del guizardo, Que lonjamen ai servît en perdo; Mas fe que deg a mon bel compaingno, D'una ren mi sui acordatz: Consi que vos en captengatz, Vos amarai, vos plass' o·us pes, Mais mout volgra mais que·us plagues. |