prosody | miscellaneous |
Tant no puesc legir ni pessar Qu'ieu atruep que als si' amors Mas un franc volers qu'en breu cors Fan li huelh al cor prezentar. Que cant li huelh vezon cauz' agradan, Sempre al cor o prezento denan! E s'al cor play ni a los huelhs agensa, D'aquel a cort nais amors e comensa, Car d'aqui 'nan le cor pens' e cossira Com puesc' aver la cauza que dezira. E si li huelh ni-l cor no y an plazensa, Ia fin' amors no y venra a naisensa. |