Main PageTroubadours' ListingMore Works by Guilhem de l'Olivier

The prosody guide is available as a book. Click here for details.

Riquezas grans fan far manta falhensa,
Que apres son fort greus de revenir,
E sofracha fai tal ren prezumir
De que mou sens, sabers e conoissenza.
Que sofracha fai reconoisser Dieu,
E-l sobreric oblida lo pel sieu,
Car grans ricors fan Dieu eyssoblidar,
E sofracha fai tot iorn Dieu preguar,
Per c'an alcun pel lor pro de falhensa.