Main PageTroubadours' ListingMore Works by Guilhem de l'Olivier

The prosody guide is available as a book. Click here for details.

Cobes e larcx aug cais tot iorn reprendre,
Si tot li set o cudan per mielhs far!
Que-l larc n'enten en pretz per largueiar,
E lo cobes tem al paure dissendre.
Pero cascus deu esgardar mezura,
Car entre pauc e trop estai segura
Passan per miey, si sai ni lay non pen!
E pot durar totz homs a son viven
C'om repenre no-l poira per dreitura.