Main PageTroubadours' ListingMore Works by Guilhem de l'Olivier

The prosody guide is available as a book. Click here for details.

Ieu ai vist home plaguat
E nafrat de colp mortal
Que pueis lo vi san e sal
E-l cors guerit e sanat
E gay senes malanansa.
Mas sel qu'es d'engan nafratz
No'n pot mais esser sanatz,
Vieus ni mortz, ses repropchansa!
Per qu'es pus mortals d'enguan
Sos colps que non es de bran.