Main PageTroubadours' ListingMore Works by Guilhem de l'Olivier

The prosody guide is available as a book. Click here for details.

Si fos tan bos segles com sol,
Nos en foram pus aondos
D'aver e de possessios
E 'n feram mielh a nostre vol.
Mas fe layssam per voler d'enguan faire:
Veus per que-ns falh so que nos sol refaire,
Per que-l laor non redon tan de frug
Com solo far, car cascus vertat fug.
E car defalh vers e fes, falh gauzida,
E-ns es rictatz entre-ls mas avalida.