Main PageTroubadours' ListingMore Works by Guilhem de l'Olivier

The prosody guide is available as a book. Click here for details.

Salomos nos es recomtans--
A tu o dic, hom, que ti ergas--
Que sel que perdon' a sas vergas
Per sert adzira sos efans.
Doncx qui los castia, per ver
Los creys de sen e de saber,
Qu'el castiar prenon doctrina,
Don quecx pren adzesmansa fina,
E per noirir trop envezatz
Los fay hom nessis e malvatz!
E-l proverbi n'es guirens ses contendre
Que ditz: iove castiar e vielh pendre.