Main PageTroubadours' ListingMore Works by Guilhem de l'Olivier

The prosody guide is available as a book. Click here for details.

Mal temps fai reconoysser Dieu,
E bel temps engenra vaneza!
Per que totz homs c'aia boneza
Deu seguir tot lo voler sieu
Que per bel temps ni per gran benanansa
No-s lais negus non l'ay' en remembransa!
C'adoncx s'o ten Dieus a mays de plazer
Que cant paors lo nos fay requerer,
Si paors li nos fai far onransa,
Val, mas trop mais en sa melhor estansa.