Main PageTroubadours' ListingMore Works by Guilhem de l'Olivier

The prosody guide is available as a book. Click here for details.

Totz hom deu esser curos,
On pus ricx es ni mais val,
De tot profiech cominal,
Pus sos locx n'er melhuros,
Sol c'ap dreitura se fassa!
Car sel que ser son comu
Si mezeis ser e cascu,
Ia sia c'ad alcus no plassa,
Car a totz torn' a profieg.
Pero tart pren qui non cassa.