Main PageTroubadours' ListingMore Works by Guilhem de l'Olivier

The prosody guide is available as a book. Click here for details.

Bos noirimens dona regla
E mals noirimens la tol,
Per so son savi o fol
Alqun per aital razo
Per l'us en que noirit so,
Pel bon be e pel mal mal!
Per que als paucx enfans val
C'om lor do bona doctrina,
On quecx pauc e pauc s'afina,
E, qui en avol us los te,
Van de mal en pieitz ganre,
Qu'ieu atruep sert e l'escriptura
C'avol us o bon forsan natura.