Main PageTroubadours' ListingMore Works by Guilhem de l'Olivier

The prosody guide is available as a book. Click here for details.

S'ieu auzes dire a ma guiza,
Yeu mostrera per razo
Tal ren c'al pus fora bo,
Car fora cauza deviza.
Mas per paor m'en lais,
:faray un petit d'eslais,
Car es temps que de ben fach
Rent hom per loguier cap frach
E de mal fag aura laus
Sel qui sap obrar ab fraus.
Mas silh que de be an mal
E de mal be atretal,
No si plevan en aquela manieira,
C'alre n'auran al partir de la feyra.