Main PageTroubadours' ListingMore Works by Guilhem de l'Olivier

The prosody guide is available as a book. Click here for details.

Sens e sabers e conoissensa
Es us sens en tres dictios,
Et us cascus es per si bos,
Car tug naison d'una semensa.
E si tot lor obra es fina,
Voluntatz, plazers et aizina
Son autras tres per empachar:
...nos volers de peccar,
Contra saber plazers no fina
Ni contra conoissens' aizina.
Vec vo 'n tres contra tres ses falha,
Qu'en home fan tot l'an batalha,
Tres vicis contra tres vertutz,
Per que totz homs vens o es vengcutz.