prosody | miscellaneous |
So nos retrais Marcabrus: De bon pair' eys bon efan E crois del croi per semblan Segon qu'el nos o costrus! Car sert es que criatura Ressembla a sa natura. Per que deu don' esgardar, S'amar vol, cal deu amar! Que-l fol engenra folia E-l savi sen tota via. Per que non cre natura si desvi, Si per noirir non muda son cami. Car noirimens, bos o avols, adoctrina L'enfan per us de far aul obr' o fina! Car per noirir bes o mal si compren, Per que son mans fol o savi eyssamen. |