Main PageTroubadours' ListingMore Works by Guilhem de l'Olivier

The prosody guide is available as a book. Click here for details.

Tot enaisi com peira preziosa,
Qu'es de gran pres, tanh que mielhs s'encasto
En anel d'aur qu'en anel de lato,
Ioves dona plazens e gracioza
Deu mielhs estar ab sels que sabon pus
Cant a tort, que ab los necx gamus!
C'ab los cortes apren homs cortezias
Et ab los pecx fadencx e gamuzias.
Per que dona iove qu'en pretz enten,
S'apenre vol, meta s'ap l'entenden.