Main PageTroubadours' ListingMore Works by Peire Cardenal

The prosody guide is available as a book. Click here for details.

Ben volgra, si far si pogues,
Que Dieus agues tot so qu'ieu ai,
E lo pensament e l'esmai,
Et ieu fos Dieus si con el es!
Qu'ieu li fera segon que-m fai,
E-l rendera segon c'ai pres.

Car tut li croi e li malvai
Tenon lo miels de totz sos bes,
Aquilh l'en rendan las merces:
Qu'ieu non o fas ni o farai!
Ni de Dieu non tenc un poges,
Mas un' arma que li rendrai.