prosody | miscellaneous |
Maint baro ses lei, Doloiros, savai, Sai, Que, can eu lo vei, Vida me desplai, Ai D'un gran malavei, Per que no s'en vai Lai: Car n'aten plaider, Trop malvais eissai Fai. Mortz, que los plazens Prens E-ls pros e-ls prezans Tans, E-ls malvas dolens Lens, Messongiers, truans Blans, Non es chauzimens Gens, Ans es dols e dans Grans Qui cortezas gens Vens E-ls crois sofre tans Ans. Que pois dire Can mentire Si fai apelar Bar, --Escarnire Ab dezire De tot mal estar Far Can cossire E remire Lo fait e-l parlar Var, Eu arbire Que traire Lai pot encontrar Par. |