Main PageTroubadours' ListingMore Works by Raimon de Miravalh

The prosody guide is available as a book. Click here for details.

Tostems enseing e mostri al mieu dan
So ad autre ab que-m mou puis revel!
Qu'eu ai mostrat a-n Villelmin aitan
Qu'uimais li par que ses mi se capdel,
E fai de mi chanssos e sirventes
Ab caitius motz mal pausatz e mal mes,
L'un curt e fals, l'autre fraich e redon:
Ben par, qant el las fetz, qu'avia son.

De paubriera m'apella e d'enjan,
Quar gen me vol cubrir del sieu mantel!
Qu'el fon de tres mandatz en un sol an
Per qu'ambas partz lo van claman rausel.
Fals soi d'aitan, tans m'a el faichs de bes,
Qar ieu non pren aitan q'aquel s'en fes!
Mas laissi m'en per desdeing de Raimon,
Qu'el ten els mans so qui-n ad el rescon.