prosody | miscellaneous |
Ges de chantar nom voill gequir Et ai razos que chantar deja, Que negus no me port'enveja D'amor, si vos en voill ver dir; Per cho dei chantar volunters Que poiar pois e no dessendre D'amor et aug dir e contendre: =qui ren non a, ren non pot perdre.= Perdre non dei lo gent servir, Q'ai fait a cella qim guerreja De cent sospirs, si deus me veja, Aitan corals que del morir Me desfida toz lo premers, E si mi fai trop ben entendre Que ren nom val lo lonc atendre, Que tant no i poria derdre. E per zo pens, quant dei dormir, Si razos es q'amar mi deja Midons, qui sobram seignoreja Tant que per panc nom fai follir; Mas tant es sos cors plazenters, Qu'ades me somon de l'entendre Mos cors ver cui cu dei atendre; E pos tant val, no men deu erdre Dunc quem farai nos tain partir-- Oc, eu -- per que -- quar trop folleja Qui sec son dan e sec plaideja. . . . Oc, quar mal grat de lauzengiers Mi rent ab leis, qu'ab autra rendre Nom voill, qu'elam pot dar e vendre, Ne nul maltrait nom fai esperdre. Pero si tot me fai languir, Non es razons que iam recreja D'amar leis, qui vers mi felneia Car zo queil plaz me fai soffrir, Si cum fins amics vertaders Qe nos vol vers amor deffendre; Mas zo q'il vol voill en grat prendre Q'autra nom pot baissar ni erdre. Chanzon, v--t--en, bos messagers, E "lai vas Est\, ses plus atendre, "a na Biatritz\ fai entendre Que mon Restaur no me pot perdre. Joven beutaz e prez enters S'es mes el ben el grand el mendre En la "plus bella\, ses contendre, Que sap prez gaignar ses perdre. |