| |
|||
| prosody | miscellaneous |
Eissamen com la pantèra, Qui porta tan bon'odor Et a si bela color Que non es bestia salvatge, Qui per fors'e per outratge Sia tan mala ni fèra, Que, si loing com pot chauzir, Non anes pres lei morir: Et en altretal semblansa Mi ten amors en balansa, Que·m fai segre so que non posc aver E sec mon dan per far lo seu plazer. Ni ja per so no·m planhèra Negun jorn del tort d'amor, Ans prendrai en gaug dolor De son gent cors de paratge, Mas' qu'el'agues en coratge Merce, que no·i es enquèra. Aissi no·m pot res garir De mon maltrait e merir Fors ab sa simpla semblansa Et ab sa dous'acoindansa On a tan gran beltat en son poder, Per que non posc laissar de leis veder. |
Metrical pattern: 686