Main PageTroubadours' ListingMore Works by Sordel de Goit

The prosody guide is available as a book. Click here for details.

Anc al temps d'Artus ni d'ara
No crei qe homs vis
Tan bel colp cum en las cris
Pris Sordels d'un'engrestara!
E se.l colps non fo de mort
Sel qe.l penchenet n'ac tort!
Mas el a.l cor tan umil e tan franc
Q'el prend en patz toz colps pois no.i a sanc.

Anc persona tan avara
No crei qe homs vis
Cum a.l veils arlots meschis
N'Aimerics ab trista cara.
Sel qe.l ve a pez de mort!
E se tot a son cors tort
E magr'e sec e vel e clop e ranc,
Mil aitans dis. . . . q'el no fes anc.