Main PageTroubadours' ListingMore Works by Sordel de Goit

The prosody guide is available as a book. Click here for details.

Meraveill me com negus honratz bars,
Montan, diz be, si no.l fai eissamen,
Q'en loc del dir deu esser le chalars,
Qan taing qe.l faitz veingna primieramen!
E.m meraveill com hom, ses cor d'atendre,
Pot prometre! qe fals prometres fai
Cel qui promet per mensongier reprendre,
Part l'avol crim qe l'enganc l'en atrai.

S'entre.ls malvaz baros cor galiars,
Meraveilla, en Sordel, no m'en pren:
Tant es granz fais era prez e donars,
Qe cor no pot far boca ver dicen!
Mas avols hom s'en cuia aisi defendre
Ab gen mentir! pero el s'en dechai:
Q'als entendenz non pot hom far entendre
Qe ben estei aisso qe mal estai.