prosody | miscellaneous |
Dompna valen, saluz et amistaz, E tot qan pot de plaiser e d'onor Vos manda sel, ses cor galiador, Qe vostre hom es et a vos s'es donaz. Vos qer merceis, qomandar li dignas Vostre plaiser e tot qant vos bon sia, Qar vostre hom sui e per vostre m'autrei, E tot qan vos amaz, am e soblei. E qer merceis a vostras dignitas, Al gran saber, a la fina beutaz, Qe mi dignas tenir per servidor Asci cum sel q'es vostre domnegaz! Qar, per ma fe, tan vos am e golei Cum las clartas des oilz ab cui eu vei. |