| prosody | miscellaneous |
Ma dompna cuit fasa sen S'ella torn' a la ròca, Qe sa valors va cazen E l'avols bruiz descròca Q·ill vai tot bon prez tolen, Per q'ill trop soven bròca, Ne ges no voill dir comen! Mas lo critz aisi flòca Qe d'onor la desròca. Per qe dic q'eu voill oimais Q'ill faza so q·ill plaia, Qe de lei amar mi lais, Ni ja nuills temps no aia Consir c'ab negus essais A lei servir m'atraia! Qe·ll vei far de tals eslais C'oms no es qe non braia, Ne ill no s'en esmaia. Mas se de rausel biais Vol qe bes lei eschaia, Tenga·l si q'el no caia. |
Metrical pattern: 235