Main PageTroubadours' ListingMore Works by Uc de St. Circ

The prosody guide is available as a book. Click here for details.

Mesier Albric, so-m prega Ardisons
Qu'ieu vos deia mostrar saviamenc
Com el l'autrier fo faic novel espos
Et c'ara-il fail meils e vins e formenc,
Tan qe-il moillier s'en rancur' e s'en lagna!
Per qe-l Sordel vos prega, et eu lo voill,
Qe-il fasac dar un car d'erbas de moill
E tant de meil don viva sa compagna.

N'Uc de San Sir, tot per amor de vos
E del Sordel, car es pros e valenc,
Voil que del meu aia Ser Ardicons
Tant c'al partir s'en an gai et jausenc,
Que eu cre ben qe vianda-il sofragna!
Pero del meil de si dire non voill,
Mas ben darai un car d'erbas de moill
Si hom las pot trobar a la campagna.