Main PageTroubadours' ListingMore Works by Gui

The prosody guide is available as a book. Click here for details.

En Gui, digaz la qal penriaz vos,
E non mentaz, sitot vos faiz feignenz:
Capa de pers un mes denant Avenz
E grans osas afaitadas ab ros
Tro a kalenda maia,
O tot l'estiu dona cortesa e gaia,
Bella, de cors humil, de bona fe
E tot' aital cum a fin drut cove

N'Ebles, ges eu no son aissi cum vos,
Qe-m teigna dan freichs ni ploja ni venz!
Qe fin' amors m'en deffent e jovenz
Qe m'art lo cor aissi totas sazos
Q'a pauc no vau ses braia!
E de domna no cuidez q'eu m'estraia,
E la capa lais a vos, cui cove,
E-il domna sai qe no-us faria re.