| |
|||
| prosody | miscellaneous |
En Gui, digaz al vostre grat Qal presaz mais segon razon: Donna adreita de la faichon O autra ab autretal beutat Q'es mal enseignada e vilana, Mas vos la trobarez certana Toz temps en toz vostres covenz, E cil q'es adreita e plasenz, No·us dira ja de ren vertat. Cosin, tant ai acostumat Far plazers e prendre a sazon, Qant son d'amor dui compaignon, Qe son ab gent mentir, mesclat . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . En Gui, si·us avia colgat, Quant parla, pert lo grat e·l don La rosa per bona ochaison! E l'adreit' a·l tort esmendat Ab bels diz qe·m reven e·m sana, Don pois recort una setmana Los plasers e·ls enseignamenz! E vos no·n serez tan jausenz Que toz no·n partatz al comjat. |
Metrical pattern: 578b