Main PageTroubadours' ListingMore Works by Gui

The prosody guide is available as a book. Click here for details.

Gui, e-us part mon essienz
Un joc dun serez conquis:
En qal cuidaz q'om moris
Ennanz d'aqes dos tormenz,
Qe tota una nuoit d'avenz
Jacsez ab lei don es gais,
O-us tengues us dels Algais
En lega, lo terz d'un dia:
Chausez qal volriaz mais.

N'Eble, com hom recrezenz,
Cui amors non abelis,
Partez, e s'ieu non chausis,
Petit m'ajuda mos senz!
Qe sitot no-m sui jausenz
De lei qe aman me trais,
Mais m'en val uns petitz jais
Q'en lega-l bascles m'aucia!
Mas a vos, q'en sabez, lais.

En Gui, plus flaira q'ausenz,
Per q'eu li fui e-ill gandis,
E a avuz set campis
Qe de toz a faiz sirvenz!
Mais am estar en pendenz,
Cum fai Judas qe Dieu trais,
Q'il jamais m'abraz ni-m bais
Pro a-l Diables qe-s ria
D'aizo q'il a faitz eimais.